बैकबाट ऋण लिनका लागि धरौटी अर्थात् जमानत राख्नुपर्दछ । तर चीनमा एउटा कम्पनीले धरौटीको नाममा कुनै जग्गाजमिन वा गरगहना जस्ता चिज होइन युवतीहरुका नांगा फोटा राख्दछ ।
यतिमात्र होइन यदि ऋण चुक्ता नगरेमा जुन परिणामको सामना गर्नुपर्दछ, त्यो कल्पना भन्दा पनि बाहिर छ ।
जेदाइबाओ नामको उक्त कम्पनी मानिसहरुलाई अनलाइनमार्फत लोन दिन्छ । यो कम्पनीबाट ऋण लिनका लागि न त कुनै बैंकमा लामो लाइन लागे जसरी लाइन लाग्नुपर्छ, न त कुनै दलाल लगाउनुपर्छ । तर कम्पनीबाट ऋण लिनका लागि युवतीहरुले कडा अमानवीय शर्तको पालना गर्नुपर्दछ ।
कम्पनीबाट ऋण लिनका लागि युवतीहरुले धरौटीको रुपमा आफ्नो नांगो फोटो बुझाउनुपर्छ । तस्वीरमा युवतीले आफ्नो परिचयपत्रका साथ पोज दिएका हुन्छन् ।
निर्धारित समयमा ऋण चुक्ता गरेमा कम्पनीले धरौटीको रुपमा राखेको उक्त निर्वत्र फोटो ऋणीलाई फिर्ता गर्दछ । तर समयमा ऋण चुक्ता नगरेमा उक्त फोटो ऋण लिने युवतीका परिवार तथा आफन्तलाई पठाइदिन्छ । यतिमात्र होइन ऋणी युवतीको पूरा विवरण सहित सोसल साइटमा पनि उक्त फोटो राखिदिनछ ।
यो कम्पनीले निकै चर्को ब्याज असूलने गरेको छ । ३० प्रतिशत व्याजमा उसले ऋण दिने गरेको छ । एकजना विद्यार्थीले उक्त कम्पनीबाट उद्योग खोल्नका लागि लिएको २० लाख रुपैयाँ बराबरको ऋणको ब्याज बढेर ४ महिनामा ४० लाख पुगेपछि कमपनीको मिटर ब्याजको खुलासा भयो ।
यो कम्पनीले अहिलेसम्म १६० जना युवती ऋणीहरुको नग्न तस्वीर सहितको विवरण इन्टरनेटमा शेयर गरिसकेको छ । यो कम्पनीले अहिले तिव्र विरोध झेलिरहेको छ र बन्द गर्नुपर्ने आवाज उठिरहेका छन् ।
Post a Comment
आफ्नो प्रतिक्रिया दिनुहोस्