Kochila Media

मोरङ:एपीवान टेलिभिजनबाट प्रसारण हुने नेपाल आईडलका प्रतिस्पर्धी निशान भट्टराईको ‘भोटिङ’ प्रचारका लागि उनका बुवाले घरको लैनो गाई समेत विक्री गरेका छन् ।

उर्लाबारी नगरपालिका-७ का २१ वर्षीय निशानका बुवा नित्यानन्दले छोराको प्रचारका लागि दुई साता अघि मात्रै ब्याएको लैनो गाई ६० हजारमा विक्री गरेका हुन् ।उनलेे त्यही पैसा खर्च गरेर छोरालाई नेपाल आइडल बनाउन प्रचार गरिरहेका छन् ।

निशान अहिले प्रतियोगिताको टप टेनमा पुगेका छन् । सामान्य परिवारमा जन्मिएका निशान स्कुलमा भर्ना भएदेखि नै गीतसंगीतप्रतिको लगाव राख्ने गरेपछि उनको प्रतिभाको सम्मान गर्दै भृकुटी मोडल स्कुलले संगीत कक्षा नै चलाउन सुरु गरेको थियो ।

निशानका संगीत शिक्षक विशाल राईका अनुसार सानै उमेरदेखि उनी गीतसंगीतप्रति निकै मेहनती थिए ।

भर्खरै मात्रै मिस नेपालको उपाधी जितेको उर्लाबारीका लागि नेपाल आइडल जिताउन पनि स्थानीयबासीसँगै संघसंस्थाहरु अभियानकै रुपमा लागिपरेका छन् ।

उर्लाबारीकै निकिता चन्डकले मिस नेपालको उपाधी हात पारेकी थिइन ।

निशानलाई जिताउन उर्लाबारी उद्योग वाणिज्य संघका अध्यक्ष चन्ऽबहादुर भट्टराईको संयोजकत्वमा १५ सदस्यीय ‘निशान जिताउ अभियान’ समिति गठन भएको छ ।

आम मानिस होस् या कुनै सेलिब्रेटी आफ्नो विवाहलाई सबैले स्पेशल बनाउन चाहन्छन् । बलिउडमा पनि सेलिब्रेटीका विवाह कुनै न कुनै कारणले स्पेशल र चर्चाको विषय बनेको हुन्छ । 

स्पेशल विवाह भन्ने बित्तिकै अभिनेत्री शिल्पा शेट्टीको विवाह धेरैले सम्झन्छन् । किनकी बलिउडको महंगो विवाह मध्येको एक विवाह थियो शिल्पाको । सन् २००९ को नोभेम्बर २२ मा व्यापारी राज कुन्द्रकी दोस्रो श्रीमती बनेर भित्रिएकी शिल्पाको विवाहमा ५० लाख भारतीय रुपैयाँको आउटफिट र ५ करोड रुपैयाँको गहना प्रयोग भएको थियो । यस बाहेक उनको विवाहको अर्को चाखलाग्दो कुरा, उनीहरुले विवाहमा २० किलोको केक पनि काटेका थिए जसमा ९ स्टेज थिए । 

अभिशेक बच्चन र ऐश्वर्या राय 

ऋषि कपूर र नितू कपूर

विवेक ओब्रोय र प्रियंका अल्वा

शुनील शेट्टी र माना

अनुराग कश्यप र कल्की कोचलिन

मलाई देखेर दर्शक थाकेकै छैनन् 

आफ्नो व्यस्तताबारे के भन्छन् उनी ?

पूर्वाञ्चल नाट्य यात्रा २०७३ अन्तर्गतको नाटक मञ्चन हुने भएको छ ।  रंगकर्मी दयाहाङ राईले निर्देशन गरेको नाटक डिग्री माइला यही कार्तिक १२ गते आरोहण गुरुकुल आरोहरणको सुशीला कोइराला नाटक घरमा मञ्चलन हुन लागेको हो ।  

१५ सय वर्ष अघिको ऐतिहासिक कथा माथि फिल्म बन्ने भएको छ । राजधानीमा सोमबार एक कार्यक्रमकाविच मिथिलाका राजा सलहेसको गाथामाथि ‘सलहेसः द पिपुल्स हिरो’ नामक आवधिक फिल्म निर्माण गर्ने घोषणा भएको हो ।भोर कम्पनीप्रा.लिको प्रस्तुतिमा बन्ने यो फिल्मका प्रमुख पात्र सलहेस मिथिलामा राजा जनकपछिको प्रादुर भाव भएको व्यक्तित्व मानिन्छन् । उनलाई तराईंको दुसाध समुदायले अहिले पनि भगवानका रुपमा पुजा गर्ने गर्छ ।

काठमाडौ , १३ आस्विन - नन्दुराज चौधरीले निर्माण गरेको थारु भाषाको फिल्म ‘भौँरा’ले शुक्रबार (असोज १४ गते) काठमाडौंमा आफ्नो च्यारिटी शो गर्ने भएको छ ।

फिल्मको च्यारिटी शो विश्वज्योति हलमा हुनेछ । च्यारिटीबाट संकलन हुने रकम थारु समुदायको उत्थानमा खर्च हुने निर्माण पक्षको भनाइ छ । च्यारिटीका लागि निर्माण पक्ष धमाधम तयारीमा जुटेको चौधरीले उल्लेख गरे ।
चम्पन साँस्कृतिक समूहको पहिलो प्रस्तुति ‘भौँरा’मा थारु समुदायमा विद्यमान नराम्रा विषयहरू कथामा समेटिएको छ ।

‘भौँरा’ अभिनेत्री सोनु थारुको कम्ब्याक फिल्म पनि हो । लामो समयपछि सोनुले ‘भौँरा’मा जोडदार अभिनय गरेकी छिन् । सोनुले थारु भाषाका थुप्रै फिल्म पनि निर्माण गर्नुका साथै आफै अभिनय गरेकी छिन् ।


‘भौँरा’मा थारु रितिरिवाज र साँस्कृतिबारे कथावस्तु समेटिएको निर्माता चौधरीले जानकारी दिए । ‘भौँरा’ झण्डै २५ लाखमा निर्माण भएको निर्माता चौधरीले दाबी गरेका छन् ।

फिल्ममा अधिकांश कलाकार नयाँ छन् । ‘भौँरा’को अधिकांस छायाँकन दाङमा गरिएको हो । फिल्मलाई कृष्ण चौधरीले निर्देशन गरेका हुन् ।

श्रीनारायण चौधरीको पटकथा, हरिनारायण चौधरीको छायाँकन रहेको ‘भौँरा’मा दीपक चौधरी, हरि वाग्ले र दीपक दीपको नृत्य निर्देशन रहेको छ ।

‘भौँरा’मा निर्माता नन्दुराज चौधरीले पनि अभिनय गरेका छन् । फिल्ममा सोनु थारु, कृष्ण चौधरी, श्रीनारायण चौधरी, अञ्जु चौधरी, रीमा चौधरी, राज कुस्मी, हरि चौधरी, रोशन रत्गैँया, फिरु चौधरी, वीरबहादुर चौधरी, समीक्षा चौधरी, राम कठरियालगायतको अभिनय रहेको छ ।