बलिउड सेलिब्रेटीका विवाह किस्सा : दुईपटक भएको थियो ऐश्वर्याको विवाह

आम मानिस होस् या कुनै सेलिब्रेटी आफ्नो विवाहलाई सबैले स्पेशल बनाउन चाहन्छन् । बलिउडमा पनि सेलिब्रेटीका विवाह कुनै न कुनै कारणले स्पेशल र चर्चाको विषय बनेको हुन्छ । 

स्पेशल विवाह भन्ने बित्तिकै अभिनेत्री शिल्पा शेट्टीको विवाह धेरैले सम्झन्छन् । किनकी बलिउडको महंगो विवाह मध्येको एक विवाह थियो शिल्पाको । सन् २००९ को नोभेम्बर २२ मा व्यापारी राज कुन्द्रकी दोस्रो श्रीमती बनेर भित्रिएकी शिल्पाको विवाहमा ५० लाख भारतीय रुपैयाँको आउटफिट र ५ करोड रुपैयाँको गहना प्रयोग भएको थियो । यस बाहेक उनको विवाहको अर्को चाखलाग्दो कुरा, उनीहरुले विवाहमा २० किलोको केक पनि काटेका थिए जसमा ९ स्टेज थिए । 

अभिशेक बच्चन र ऐश्वर्या राय 

अभिशेक र ऐश्वर्याको रिसेप्शनमा पाँच सय मानिसहरुको सहभागिता थियो । रिसेप्शनलाई स्पेशल बनाउनको लागि माथिबाट हेलिकप्टरबाट फूल बर्साइएको थियो ।

उनीहरुको विवाहको अर्को एउटा चाखलाग्दो कुरा के छ भने अभिशेकसँग विवाह गर्नुभन्दा पहिले ऐश्वर्याको मांगलिक दोष हटाउन भन्दै पिपलको बोटसँग विवाह गरिएको थियो । यो हिसाबले ऐश्वर्याको दुई पटक विवाह भएको थियो ।

ऋषि कपूर र नितू कपूर

ऋषि कपूर र नितू कपूरको विवाह सन् १९८० मा भएको थियो । एक अन्र्तवार्ताको क्रममा नितूले उनीहरुको विवाहको काम आर के हाउसमा २० दिनसम्म चलेको बताएकी थिइन् । नितूका अनुसार नुसरत फतेह उनको विवाहमा पफर्म गरेपछि नै चर्चित भएका थिए रे ।

विवेक ओब्रोय र प्रियंका अल्वा

उनीहरुको विवाहको सबै काम बैंगलोरको पाँचतारे होटेलमा भएको थियो । यो विवाहको विशेषता उनीहको कार्डमा थियो । एक कार्डको मूल्य ७ हजार रुपैयाँ थियो । जसलाई हातले बनाइएको थियो । यसलाई एक ज्वेलरी बक्समा राखिएको थियो । 

शुनील शेट्टी र माना

सुनिल शेट्टीले विवाहमा पत्नीलाई बि एम डब्ल्यु कार उपहार दिएका थिए । यस कारको पछाडि  बि एम डब्ल्युको अर्थ बी माई वाईफ लेखिएको थियो । यहि नै उनीहरुको विवाहको विशेषता थियो ।

अनुराग कश्यप र कल्की कोचलिन

निर्देशक तथा अभिनेता अनुराग कश्यप र अभिनेत्री कल्की कोचलिनको विवाह २०११ मा भएर २०१३ मा टुटेको थियो । तर उनीहरुको विवाहको एउटा चाखलाग्दो कुरा भने छ । उनीहरुले एक सय वर्ष पुरानो आँपको फेदमा विवाह गेका थिए । जुन रुखको फेदमा कल्की बाल्यकालमा खेल्ने गर्थिन् ।